Levopront

Yo'talga qarshi

Yo'talga qarshi faollik traxeyabronxial daraxtga periferik ta'sir bilan bog'liq. Levodropropizinning yo'talga qarshi ta'sir mexanizmi C-tolalarda nerv impulslarining uzatilishini sekinlashtirish, C-tolalardan neyropeptid sensorlarini chiqarishni bostirish orqali amalga oshiriladi in vitro.

Levodropropizin nafas olish markazini bostirmaydi va insonda mukotsiliar klirensga ta'sir qilmaydi.
Surunkali nafas yetishmovchiligi bo'lgan bemorlarda levodropropizin nafas olish tizimiga spontan nafas olishda ham, giperkapnik ventilyatsiyada ham bostiruvchi ta'sir ko'rsatmaydi.

Levodropropizinning og'iz orqali qabul qilinganda biokiraolishligi 75% dan ortiq. Levodropropizin og'iz orqali qabul qilingandan keyin tez so'riladi va organizmda taqsimlanadi.
Qon plazmasi oqsillari bilan bog'lanishi ahamiyatsiz (11-14%).

Yarim chiqarilish davri 1-2 soatni tashkil etadi. Buyraklar orqali o'zgarmagan holda va metabolitlar (kon'yugatsiyalangan levodropropizin va kon'yugatsiyalangan p-gidroksilevodropropizin) shaklida chiqariladi. 48 soat ichida levodropropizin va yuqorida ko'rsatilgan metabolitlarning buyraklar orqali chiqarilishi taxminan 35% ni tashkil etadi.
Preparatni ko'p marta qabul qilishda farmakokinetik ko'rsatkichlar va levodropropizinning to'planishi o'zgarmaydi.

Bola, keksa yoshdagi bemorlar, yengil yoki o'rtacha darajadagi buyrak funksiyasi buzilgan bemorlarda farmakokinetik profilida sezilarli o'zgarishlar aniqlanmagan.

Kattalar uchun:

Bolalar uchun:

Faringit, laringit, o'tkir traxeit va traxeyabronxit, gripp, bronxopnevmoniya, surunkali obstruktiv bronxit, bronxial astma, o'pka emfizemasi, o'pka o'smalari, nafas yo'llarining allergik va infeksion-yallig'lanish kasalliklarida quruq, mahsulsiz yo'tal

• Levodropropizinga yoki preparatning boshqa komponentlariga yuqori sezuvchanlik
• Bronxial gipersekresiya bilan bog'liq kasalliklar (shilliq ishlab chiqarishning ortishi bilan bog'liq kasalliklar)
• Mukotsiliar funksiyaning pasayishi, masalan, Kartagener sindromi, siliyer diskineziya (tug'ilishdan nafas yo'llarida shilliq ajratish qobiliyatining pasayishi bilan bog'liq muammolar bilan azoblanadigan bemorlar)
• Homiladorlik
• Emizish davri
• Bola yoshi (2 yoshgacha bo'lgan bolalar)
• Fruktoza intoleransi, glyukoza-galaktoza malabsorbsiyasi, saxaroza-izomaltaza yetishmovchiligi.

Extiyotkorlik bilan:
Og'ir darajadagi buyrak funksiyasi buzilgan (buyrak funksiyasi pasayishi) bemorlarda kreatinin klirensi 35 ml/min dan kam, jigar funksiyasi jiddiy buzilgan bemorlarda, keksa bemorlarda, chunki ularning turli dori vositalariga sezuvchanligi o'zgargan, sedativ vositalar bilan bir vaqtda qabul qilinganda, diabet kasalligi bo'lgan bemorlarda.

Yo'talga qarshi preparatlar faqat simptomlarni davolaydi va asosiy sabab aniqlanmaguncha va/yoki asosiy muammoni davolash ta'sir qilmaguncha foydalanilishi kerak.
Preparatni uzoq muddatli davolash uchun ishlatmang. Agar qisqa davolash davridan keyin sezilarli natijalar olinmasa, shifokoringiz bilan maslahatlashing.

Og'ir darajadagi buyrak funksiyasi buzilgan bemorlarda (kreatinin klirensi 35 ml/min dan kam), jigar funksiyasi jiddiy buzilgan bemorlarda, keksa bemorlarda, sedativ vositalar bilan bir vaqtda qabul qilinganda, diabet kasalligi bo'lgan bemorlarda ehtiyotkorlik bilan qo'llaniladi.

Transport vositalari va mexanizmlarni boshqarish qobiliyatiga ta'siri
Psixomotor reaktsiyalar tezligini talab qiluvchi potensial xavfli faoliyat bilan shug'ullanadigan bemorlarda ehtiyotkorlik bilan qo'llanilishi kerak.

Immun tizimi tomonidan: allergik va anafilaktik reaktsiyalar, qovoqlar shishi, angionevrotik shish.

Psixika tomonidan: asabiylashish, sustlik, shaxsiyat o'zgarishi yoki shaxsiyat buzilishlari.

Nerv tizimi tomonidan: hushdan ketish, yurishning beqarorligi, vertigo, tremor, paresteziya, tonik-klonik tutqanoqlar va kichik epileptik tutqanoqlar.

Ko'rish organi tomonidan: midriaz, ikki tomonlama ko'rlik.

Yurak-qon tomir tizimi tomonidan: yurak urishini his qilish, taxikardiya, atrial bigeminiya, arterial gipotenziya.

Nafas olish tizimi tomonidan: nafas qisilishi, yo'tal, nafas yo'llarining shishi.

Hazm qilish tizimi tomonidan: oshqozon og'rig'i, qorin og'rig'i, ko'ngil aynishi, qusish, diareya, glossit, aftoz stomatit.

Jigar va o't yo'llari tomonidan: xolestatik gepatit.

Modda almashinuvi tomonidan: gipoglikemik koma.

Teri va teri osti to'qimalari tomonidan: eshakemi, eritema, ekzantema, qichishish, teri reaktsiyalari, epidermoliz.

Mushak-skelet tizimi tomonidan: pastki oyoqlarda zaiflik;

Umumiy reaktsiyalar: umumiy noqulaylik, umumiy shish, astenia.

Simptomlar: ko'ngil aynishi, qorin og'rig'i.

Davolash: standart favqulodda choralar bilan simptomatik terapiya (oshqozonni yuvish, faollashtirilgan ko'mir qabul qilish va boshqalar).

Levodropropizin markaziy asab tizimiga ta'sir qiluvchi preparatlarning farmakologik ta'sirini kuchaytirmaydi (masalan, benzodiazepinlar, alkogol, fenitoin, imipramin), og'iz orqali qabul qilinadigan antikoagulyantlar (masalan, varfarin) ta'sirini o'zgartirmaydi va insulinning gipoglikemik ta'siriga ta'sir qilmaydi. Biroq, individual yuqori sezuvchanlikka ega bemorlarda levodropropizin sedativ vositalar bilan bir vaqtda qabul qilinganda markaziy asab tizimiga bostiruvchi ta'sir ko'rsatishi mumkin.

Klinik tadqiqotlar bronxopulmoner tizim kasalliklarini davolashda ishlatiladigan preparatlar, masalan, beta2-adrenomimetiklar, metilksantinlar va ularning hosilalari, GKS, antibiotiklar, mukolitik va antigistamin vositalar bilan hech qanday o'zaro ta'sirni ko'rsatmagan.

Sirop, 6 mg/ml.
120 ml va 200 ml qorong'i shisha flakonlarda, yuqori zichlikdagi polietilendan yasalgan bolalardan himoyalangan qopqoq va past zichlikdagi polietilen muhr bilan.
Bitta flakon polipropilendan yasalgan o'lchov stakancha va yo'riqnoma bilan birga qutiga joylashtiriladi.