Tsefosin

V/m yoki v/v, kattalar va bolalar (50 kg dan ortiq vaznda) murakkab bo'lmagan infeksiyalarda, shu jumladan siydik yo'llari infeksiyalarida — har 8–12 soatda 1 g; murakkab bo'lmagan o'tkir gonoreyada (v/m) 0,5–1 g bir marta; o'rtacha og'irlikdagi infeksiyalarda (v/m yoki v/v) — har 12 soatda 1–2 g; og'ir infeksiyalarda, shu jumladan meningitda (v/v)  — har 4–8 soatda 2 g (maksimal sutkalik doza — 12 g). Davolash davomiyligi individual belgilanadi.

Jarrohlik amaliyoti oldidan infeksiyalarning oldini olish uchun 1 g bir marta v/v narkoz vaqtida kiritiladi; zarurat bo'lsa, 6–12 soatdan keyin takrorlanadi. Kreatinin Cl 10 ml/min va undan kam bo'lsa, sutkalik doza ikki baravar kamaytiriladi.

V/v, muddatidan oldin tug'ilgan va 1 haftagacha bo'lgan yangi tug'ilgan chaqaloqlarga — har 12 soatda 50 mg/kg, 1–4 haftalikda — har 8 soatda 50 mg/kg. 50 kg gacha vazndagi bolalarga (v/v yoki v/m) — 50–180 mg/kg 4–6 marta kiritiladi. Og'ir infeksiyalarda, shu jumladan meningitda, bolalarga sutkalik doza 100–200 mg/kg gacha oshiriladi (v/m yoki v/v 4–6 marta), maksimal sutkalik doza — 12 g.

V/v inyeksiya uchun erituvchi sifatida in'ektsiya uchun suv ishlatiladi (0,5–1 g 4 ml erituvchida, 2 g — 10 ml da eritiladi), v/v infuziya uchun — 0,9% izotonik natriy xlorid eritmasi yoki 5% glyukoza eritmasi (1–2 g 50–100 ml erituvchida eritiladi). Infuziya davomiyligi — 50–60 min. V/m kiritish uchun in'ektsiya uchun suv yoki 1% lidokain ishlatiladi (500 mg preparat uchun doza — 2 ml, 1 g doza uchun — 4 ml).